بتشتغل ازاي ؟
يا اما بتعمل تخفيز لافراز أو تمنع تكسير أو تمنع ال
reuptake of epinephrine or norepinephrine
أو بتزود التأثير الخاص بيهم .أول مادة هنتكلم عنها في المجموعه دي هو
A. Amphetamine
[am-FET-ameen]
من أشهر الأدوية اللي بيتم ادمانها
بيحفز افراز الكاتيكول أمينز ( زي النورابينيفرين و الدوبامين )
عشان كده هو بينتمي للمجموعة دي .
ان شاء الله هنتكلم عنه بالتفصيل في جزء
stimulants of the CNS
B. Tyramine
Tyramine [TIE-ra-meen]
نفس طريقة الأمفيتامين ، بيحفز افراز الكاتيكول أمينز فتدي التأثير بتاعها
ملوش أهمية طبية في العلاج ، ولكن احنا هنتكلم عنه ، لأنه مهم بالنسبة لنا
لأنه ممكن يتفاعل مع بعض الأدوية المهمة و يسبب مشاكل صحية للمريض .
المادة دي بنلاقيها بكثرة في بعض الأطعمة زي :
الجبنة القديمة ، وبعض أنواع النبيذ .
بيحصله أكسدة في الجهاز الهضمي عن طريق انزيم اسمه
MAO
فلو المريض بياخد دواء من مجموعة
MAOIs,
اللي بدورها بتروح تمنع الانزيم من انه يكسر مادة التيرامين
و بالتالي هيفضل تأثيرالتيرامين مستمر ، بالتالي هيعلي الضغط للمريض بشكل غير طبيعي
it can precipitate serious vasopressors.
VI. MIXED-ACTION ADRENERGIC AGONISTS
Ephedrine [eh-FED-rin] and
pseudoephedrine [soo-doe-eh-FED-rin]
are mixed-action adrenergic agents.
هم مش بس بيحفزوا افراز النورابينيفرين ، دول كمان لهم تأثير مباشر على مستقبلات الألفا و البيتا
مش بيحصلهم استقلاب بواسطة انزيمات
COMT and MAO.
عشان كده بيعطوا تأثير لفترة طويلة
ايفيدرين و سودوايفيدرين بيحصلهم امتصاص بشكل جيد جدا لو تم اعطاؤهم عن طريق الفم ، وبيقدروا يخترقوا الجهاز العصبي المركزي
الإيفدرين بيعلي الضغط و يمكن استعماله في علاج الضغط المنخفض
زي مقولنا ان الايفيدرين يقدر يأثر على الجهاز العصبي المركزي ، فهنلاقي آثاره على المريض ، انه بيفوق و بيقلل الاجهاد و بيسهر ، و بيحسن الأداء الرياضي للرياضيين
و في أمريكا من فترة طويلة كان الناس بتستعمل نوع معين من الاعشاب اسمه الايفيدرا اللي بتحتوي على الايفيدرين و لكن بسبب آثارها الجانبية على القلب ، منظمة الغذاء و الدواء الأمريكية منعت تداولها .
الاستخدام الطبي للايفيدرين و السودوايفيدرين هو علاج احتقان الانف
بكده نكون خلصنا جزء
ليست هناك تعليقات:
إرسال تعليق