7- pharmacodinamics

it is the effect of drug on the body 
يعنى تأثير الدواء على الجسم
طيب ازاى الدواء بيدى التأثير المطلوب ؟ 
 لازم الدواء يرتبط بمكان معين عشان يدى التأثير العلاجى بتاعه و المكان ده اسمه Receptor او مستقبلات الدواء و الغالبيه العظمى منها  بتبقى موجودة على جدار الخلية  او نادر اما بتبقى داخل الخلية .
لما الدواء بيرتبط بالمستقبل بتاعه بيكون حاجه اسمها drug-receptor complex وبعدها بيحصل signal transduction  وبعدين الدواء يدى التأثير المطلوب .

طيب نتكلم شوية عن الreceptors
هو عبارة عن جزئ موجود على او داخل الخلية وهو المكان اللى الدواء بيرتبط بيه عشان يدينا التأثير المطلوب.
بس مش كل الادوية بتدى التأثير بتاعها عن طريق الارتباط بالمستقبلات ، على سبيل المثال مضادات الحموضة بتزود ال PH  فبالتالى بتعادل الحموضة من غير مترتبط بمستقبلات.
-الانزيمات وبعض البروتينات اللى فالجسم تعتبر من انواع المستقبلات.
-الدواء بيرتبط بالمستقبل الخاص بيه عن طريق تكوين روابط كيميائية زى (electrostatic , Hydrogen bonds and van der waals forces)
ودى بتبقى غالبا روابط ضعيفة ونادر لما تتكون بينهم روابط covalent  قوية .
-Major Receptor Families  أنواع المستقبلات الرئيسية
1- ligand-gated ion channels
ودى من ضمن الreceptors  الموجودة على جدار الخلية ودى بتتحكم فى دخول وخروج الايونات ، والاستجابة هنا بتبقى سريعه جدا ( أجزاء من الثانية ) ، ومن ضمن العمليات اللى بتنظمها المستقبلات دى:-
  ( cardiac conduction , neurotransmission)
-----------------------------------------
2- G protein coupled receptors
وده موجود على جدار الخلية وهو ده النوع الغالب من المستقبلات ، والاستجابة لتأثيره بيبقى من ثوانى لدقايق
ومن ضمن العمليات اللى بتنظمها :- neurotransmission
----------------------------------------
3- enzyme-linked receptors
النوع ده برضه موجود على جدار الخلية والاستجابة  هنا بتبقى من دقايق لساعات ودى بتتحكم فى :-
النمو وال metabolism  وعمليات حيوية  اخرى.
------------------------------------
4- intracellular receptors
النوع ده بقى موجود داخل الخلية وطبعا عشان الدواء يدخله جوه لازم يكون بيدوب فى الدهون عشان يقدر يعدى من جدار الخلية الدهنى  ، الاستجابة هنا بتوصل من ساعات لأيام. 
----------------------------------
هنتكلم دلوقت عن انواع تأثير الدواء مع المستقبل الخاص بيه.
 عندنا نوعين:-
Agonist & Antagonist

-Agonist
وده مادة لما بترتبط بالمستقبل الخاص بيها بتدى نفس تأثير المادة الموجودة فى  جسمنا واللى بتمسك فى نفس المستقبل.
-Antagonist
مادة لما بترتبط بالمستقبل الخاص بيها بتدى تأثير معاكس او بتقلل تركيز ال Agonist او المادة اللى موجودة داخل جسمنا وبترتبط بنفس المستقبل.

Antagonists can be competitive or noncompetitive.
-Competitive Antagonist 
هنا ال Antagonist  بيتنافس مع ال Agonist عشان ياخد مكانه على ال recptor
ودى بتبقى عملية عكسية يعنى لو زودنا  تركيز ال Agonist  شوية هيشيل ال Antagonist  ويحل محله ويدينا التـاثير المطلوب .

noncompetitive antagonist (irreversible)-
وهنا ال Antagonist بيمسك فى الreceptor لكن مش بيسيبه حتى لو زودنا تركيز ال Agonist  بكميات كبيرة
وبالتالى ال Agonist مش هيدينا التأثير المطلوب.
     لو الدوا بتاعنا بيرتبط بأكتر من receptor  بنسميه non-selective  والنوع ده بيدى تأثيرات متعددة  
لان الدواء لما بيرتبط بمستقبل معين بيدى تأثير معين ولو ارتبط بمستقبل تانى مختلف بيدى تأثير تانى مختلف.




هنتكلم دلوقت عن حاجه اسمها
Desensitization of receptors
Repeated or continuous administration of an agonist (or an antagonist) may lead to changes in the responsiveness of the receptor
-repeated administration of a drug results in a diminished effect  وده تعريف ال tachyphylaxis
يعنى استمرار اعطاء الAgonist او ال Antagonist  بيقلل استجابة الreceptor  ليهم
وبالتالى التأثير بتاعهم هيقل.
                         


Dose Response Relationships
حجم تأثير الدواء بيعتمد على كمية او تركيز الدواء عند receptors  اللى بدورها بيتم تحديدها  بجرعة الدواء اللى داخلة الجسم  وpharmacokinetics الخاص  بالدواء.
فى الرسم البيانى  اللى جاى(اسم الرسم البيانى ده  ( graded dose response curves
 رسمنا  effect  على المحور ص مرة مع  ال dose  على المحور س.
ومرة مع ال log doseعلى المحور س وواضح ان العلاقة بينهم طردية.

Ec50 هى drug dose that shows fifty percent of maximal response
وكلما كانت ال Ec50  صغيرة كل مكان  ال drug more potent  .
وفى الرسم واضح ان drug A more potent than drug B))
ال curve  ده بنعرف منه حاجتين مهمين جدا 
1-potency
a measure of the amount of drug necessary to produce an effect of a given magnitude
2-efficacy
the ability of a drug to give a physiologic response when it interacts with a receptor. 
the maximal response (Emax) or efficacy is more important than drug potency.


                           
وهنا نهاية مقدمة الفارماكولوجى اتمنى يكون الشرح بسيط  و مفيد 

6- Metabolism & Excretion

 Metabolism
اللى هى تكسير الدواء عشان يوصل للحالة اللى بتدوب فى الماية عشان الجسم يقدر يعمله اخراج
معظم  الأدوية  بتتكسر وتتحول لحالة غير فعالة ويحصلها اخراج
وبعض الادوية بتتكسر وتتحول لحالة فعاله اللى ممكن تدى التأثير بتاعها وبعدين تتكسر تانى ويحصلها اخراج
والبعض الآخر من الادوية ممكن يكون مش فعال ( prodrug )لكن لما بيحصله Metabolism بيتحول للحالة الفعالة.
عملية الmetabolism  بتحصل فين بقى ؟
بتحصل غالبا فى الكبد بواسطة انزيمات الكبد 
والعمليه دى فيها خطوتين مهمين اوى
phase 1:-
 ودى بيحصل فيها للدواء عملية
oxidation, reduction & hydrolysis
The Phase I reactions most frequently involved in drug
metabolism are catalyzed by the cytochrome P450 system
و
Phase II :-
 This phase consists of conjugation reactions. with an endogenous substrate, such as glucuronic acid,
sulfuric acid, acetic acid, or an amino acid, results in polar, usually more water-soluble compounds that are most
often therapeutically inactive.
فى بقى شوية عوامل بتأثر على ال metabolism ايه هى بقى العوامل دى
الجمع بين دوايين فى نفس الوقت ممكن نوع منهم يكون عنده قابليه أعلى للتكسير فيمسك بقوة وبكثرة فى االانزيمات اللى بتكسر الدواء فبالتالى الدواء التانى هيتراكم وممكن يعمل مشاكل للجسم 
 الامراض زى مثلا liver cirrohsis   و heart failure   بتقلل الmetabolism
اختلاف الجينات بين البشر ، ممكن واحد يبقى الميتابوليزم عنده عالى وشخص آخر يكون الميتابوليزم عنده بطئ لاختلاف الجينات الوراثية
ضغوط الحياة ، او التدخين و ممكن نقول اسلوب الحياة
السن او العمر ، البيبيهات بيبقى انزيمات الكبد عندهم غير مكتمله وبالتالى هيأثر على الميتابوليزم وبالنسبه لكبار السن الكبد مش بيبقى فى نفس حالة كبد شاب صغير غير ان تدفق الدم بيبقى اقل وبالتالى الميتابوليزم بيبقى بطئ.

هنتكلم بقى دلوقت عن 
Excretion
و هو اخراج الدواء من الجسم وهى آخر عمليه من عمليات ال pharmacokinetics
الغالبية العظمى من الأدوية بيحصلها اخراج عن طريق الكلية اهم حاجه لازم نعرفها فعملية دى هى :-
Half-life = half the drug
وبنعرفه على انه الوقت اللى بيستغرقه الجسم عشان يخرج نص كمية الدواء وده بيتأثر بمعدل الامتصاص والتكسير و الاخراج واهمية معرفتنا لل half-life  اننا هنقدر نحدد  عدد مرات تناول الدواء
لو احنا عندنا دواء اخدناه مرة واحده بس فاليوم الجسم هيتخلص منه بالكامل تقريبا بعد 4 او 5 half-lives
ولو أخدنا الدواء اكتر من مرة على فترات زمنية متساوية  بيوصل لحالة اسمها steady state  او  steady concentration ( بعد حوالى 4 او 5 half-lives )ودى الحالة اللى بيبقى فيها معدل اخراج الدواء للجسم مساوى لمعدل تناول الدواء.
كده الحمد لله خلصنا   ال pharmacokinetics .

5- Drug Distribution

انتشار الدواء
و بيعرف على انه عملية انتشار الدواء من الدم الى الخلايا و العكس والعملية دى بتعتمد على 
1- capillary permeability
ودى فيها نقطتين اول نقطة تركيب الشعيرة الدموىة وتانى نقطة اللطبيعه الكيميائية للدواء 
الشعيرة بيبقى فيها basement membrane  محاط بطبقة من indothelial cell   الطبقة دى بيبقى فيها فتحات اسمها slit junctions  فبالتالى بيبقى فى جزء من ال basement membrane  ظاهر(الجزء الظاهر ده بيختلف من شعيرة دموية لشعيرة أخرى حسب مكان وجودها فى الجسم )المهم ان الجزء الظاهر ده هو اللى بيمر منه الplasma proteins ،  لكن فال brain  مفيش slit junctions  وفى طبقة سميكة من الدهون فبالتالى lipid drugs هتمر لل brain لكن ال charged drugs  مش هتعرف تمر ولازم تدخل على  carriers بال Active transport   
تانى عامل بيأثر على الانتشار هو 
2- blood flow لانه بيختلف من مكان لمكان لان ال Cardiac output  بيختلف من عضو لعضو يعنى مثلا بيبقى كتير للكبد والكلية و المخ لكن بيبقى قليل للخلايا الدهنيه والجلد وهكذا.
تالت عامل بقى هو درجة ارتباط الدواء ببروتينات الدم
3- the degree of binding of the drug to plasma proteins
الالبيومين هو اكتر بروتين بترتبط بيه الادوية لدرجة انه ممكن يكون مخزن للدواء ( لما كمية الدواء الغير مرتبطة ببروتينات تقل بسبب تكسيره فالكبد او اخراجه يروح الالبيومين مطلع شوية)
هنتكلم بقى دلوقت عن حاجه اسمها
-volume of distribution
وهو عبارة عن النسبه بين كمية الدواء اللى دخلت جسمنا وتركيز الدواء اللى وصل للبلازما وبتتحسب بالمعادلة دى 
                                          ( Amount of drug in the body ( Q    
                                                ------------------------------            = Vd
                                         (  Plasma drug concentration ( C
large molecular weight drugs-  بترتبط ببروتينات البلازما وبالتالى بتنتشر فالبلازما بس اللى هى حوالى 6% من وزن الجسم يعنى  4 ليتر فى شخص وزنه 70 كيلو
low molecular weight  hydrophilic drugs-  بتقدر تعدى من ال slit gunction وتوصل لل extracellular fluid لكن مش بتقدر توصل لل  intracellular fluid وبالتالى بتنتشر فى حجم ( البلازما + السوائل اللى خارج الخلية )
بيكون تقريبا 20 % من وزن الجسم يعنى 14 ليتر فى شخص وزنه 70 كيلو 
low molecular weight  hydrophobic drugs- بتقدر تعدى وتدخل جوة الخلية يبقى هتكون منتشرة فالبلازما والسوائل خارج الخلية والسوائل داخل الخلية (كل سوائل الجسم )يعنى تقريبا 60 % من وزن الجسم تقريبا 42 ليتر فى شخص وزنه 70 كيلو
- فى الحوامل ال Vd بيزيد فى حالة الادوية اللى هى extremely lipid soluble  لانه بينتشر وبيوصل الplacenta  .
-فى بعض الاحيان بيبقى عندنا دواء مثلا هنسميه (2) بيبقى مرتبط ببروتينات البلازما وناخد دواء  تانى هنسميه (1) ييجى بقى الدواء  رقم(1 ) ياخد مكان الدواء (2) على البروتين ويخلى الدواء(2 ) حر فالدم وبالتالى تركيزه هيزيد وممكن يوصل لل toxic concentration
طيب نشوف أمثله على كده
1-Chloral hydrate ,clofibrate ,phenybutazone can displace coumarin which is anticoagulant 
,وبالتالى لو خدنا اى دواء من التلاته دول مع الcoumarin  هيحصل نزيف.
2-Salicylates can displace Tolbutamide which is a hypoglycemic drug  يعنى هيحصل غيبوبة سكر لو خدنا النوعين دول مع بعض
- لما بيكون  Vd  كبيرة بيبقى الhalf-life بتاعة الدواء عاليه واى عامل بيزود ال Vd  اكيد هيزود ال half-life بتاعة الدواء.
4- the degree of binding of the drug to tissue proteins.
رابع عامل بيأثر على انتشار الدواء هو درجة ارتباط الدواء ببروتينات الخلية لان بعض الادوية بتفضل تتجمع فى بعض الخلايا مثلا
Chlorpromazine prefer Brain
Digitoxin prefer Liver ,Kidney & Heart
Tetracycline prefer Bones & Teeth
Calcium prefer Collagen
Arsenic prefer Keratin
Iodine prefer Thyroid gland .... and so on
خامس حاجه بقى بتأثر على الانتشار هى
5- hydrophobicity of the of drug  
Hydrophobic drugs (lipophilic drugs) بتقدر تمر من اى جدار وتدخل جوة الخلية لكن ده  بيعتمد على ال blood flow  لمنطقة الانتشار
لكن hydrophilic drugs مش بتقدر تدوب فى جدار الخلية الدهنى عشان تدخل الخلية ، لكن ممكن تمر من خلال  ال slit junctions  .

4- Bioavailability

وبنعرفها على انها كمية الدواء اللى بتوصل للدم من غير اى تغيير كيميائى وعشان نقيسها  بنرسم curve 
المحور (ص) بنسجل عليه تركيز الدواء فالبلازما والمحور ( س) بنسجل عليه الوقت من بداية تناول الدواء 
وبنقدر نحسبها من خلال المعادلة دى
Bioavailability = (AUC oral\AUC injected) * 100
                 

ايه هى بقى العوامل اللى بتأثر على ال Bioavailability  
-Factors affecting bioavailability
1.First pass hepatic metabolism
يعنى لما بناخد الدواء عن طريق الفم بيحصله تكسير فالكبد قبل ميحصله امتصاص وبالتالى ال Bioavailability  هتقل
2. solubility of the drug
لما الدواء يكون extreamly  hydrophobic  هيبقى امتصاصه قليل جدا لانه مش هيدوب فى سوائل الجسم ، ولو كان very hydrophilic  هيبقى امتصاصه قليل جدا برضه لانه مش هيمر من خلال الغشاء الدهنى للخلية
لكن عشان الدواء يحصله امتصاص لازم يكون hydrophobic  لكن بيدوب شوية فالماء
3. chemical instability
بعض الادوية بتبقى غير مستقرة فى الوسط الحامضى بتاع المعدة زى ex. penicillin G 
وبعض الادوية بتتكسر بالانزيمات ex Insulin
4. Nature of drug formulation
as particle size, enteric coating, salt form and excipients .

- Bioequivalence
امتى نقول على نوعين من الادويه انهم Bioequivalent
لما يكون لهم Bioavailability  متقاربه وبيستغرقوا نفس الوقت عشان يوصلوا 
     peak blood concentration
لكن لو مختلفيين فى ال Bioavailabilityبنقول عليهم bioinequivalent
-therapeutic equivalence
امتى نقول على نوعين من الادوية انهم therapeutically equivalent لما يكونوا متقاربين فى الفاعليه والأمان
ولو عندنا نوعين من الدواء bioequivalent  مش شرط يكونوا  therapeutically equivalent..

3- drug absorption

امتصاص الدواء
ودى اول عمليه من عمليات pharmacokinetics وهو عبارة عن انتقال الدواء من مكان تناوله للدم
فى عندنا بعض العوامل اللى بتأثر على عملية الامتصاص اول عامل هو:-
rout of drug administration- 1
يعنى مثلا احنا لو اخدنا الدواء فالوريد هيبقى نسبة الامتصاص بتاعته 100% لكن لو اخدناه عن طريق الفم مش هيوصل كله للدم لان فيه نسبه منه بتتأثر بحامضية المعدة واللى بيتكسر فالكبد قبل الامتصاص يعنى مش بيوصل كله للدم
طيب هو الدواء ازاى اصلا بيوصل للدم ؟؟ يعنى الامتصاص ده بيحصل ازاى ؟؟عندنا 4 طرق
1-Passive diffusion
فى الطريقه دى الدواء بيتحرك من منطقة التركيز العالى للدواء ويورح لمنطقة التركيز المنخفض ومش محتاج لا طاقه ولا حامل عشان ينقله
جزيئات الدواء اللى هى lipid soluble بتمر من خلال غشاء الخلية اللى هو اصلا lipids لكن الجزيئات اللى هى water soluble بتمر من خلال aqueous channels or pores اللى موجودة فى جدار الخلية
تانى طريقه هى
2- Facilitated diffusion
الجزيئات اللى بتمر بالطريقه دى اللى بتبقى حجمها كبير وهنا الدواء يتحرك من التركيز الاعلى ويروح للتركيز الاقل زى الطريقه اللى قبله بس بيحتاج حامل يشيله لكن مش بيحتاج طاقة
تالت طريقة
3-Active transport
ودى خاصة برضه بالجزيئات الكبيرة لكن هنا الجزيئات ممكن تتحرك against concentration gradient يعنى من التركيز الاقل للتركيز الاعلى وبتحتاج حامل وبتحتاج طاقة ، والطاقة دى بتنتج عنhydrolysis of adenosine triphosphate.
الطريقة الرابعه
4.Pincoctosis
وهنا جدار الخلية بيعمل زى حاوية كده ياخد فيها جزيئات الدواء وبعدين يفتح من الناحية التانيه ويخرج الدواء ودى برضه للجزيئات الكبيرة.

تانى حاجه بتاثر على الامتصاص هى :-
2-PH
معظم الادوية بتبقى يا اما weak acids or weak bases
acidic drug (HA) (uncharged) release H positive and A negative (charged) لما البروتون بيمشى بيفضل ال A السالبه الشحنه
basic drug (HB positive) (charged) release H positive and B (uncharged) لما البروتون بيمشى بتفضل ال B الغير مشحونة
uncharged drug are more readily passes through membrane
والجزيئات الغير مشحونة هى اللى بتمر يبقى الHA هيمر لكن ال A المشحونة مش هتمر
و B الغير مشحونة هتمر لكن ال HB المشحونة مش هتمر
تالت حاجه بقى بتأثر على الامتصاص هى
3- physical factors affecting absorption
زى ايه
1- blood flow to absorption site
كل ما زاد تدفق الدم كل ما زاد الامتصاص
2- total surface area available for absorption
كل ما زادت المساحة اللى بيحصل فيها المتصاص كل مازاد الامتصاص مثال مساحة االامعاء اكبر من المعدة عشان كده الامتصاص من الامعاء اكتر منه فالمعده
3- contact time at the absorption surface
بمعنى ان لو فى مريض عنده اسهال هيحصل تفريغ للمعدة والامعاء بسرعه فبالتالى الدواء مش هيلحق يحصله امتصاص
وبرضه لو الدواء طول فالمعدة سبب الاكل مثلا يبقى هيتأخر فى المعدة ومش هيروح الامعاء بسرعه وبالتالى الامتصاص هيقل .

2- Routs of drug administration

يعنى طريقة تناول الدواء 
 طيب دى بنحددها على اساس ايه اولا
- The properties of the drug خصائص الدواء يعنى هو بيدوب فى الماية ولا بيدوب فالدهون ولا هو متأين ولا لا وهكذا
وبيعتمد كمان على -Therapeutic objectives
يعنى الغرض العلاجى هل احنا عاوزين تأثيره يبقى سريع ولا ممتد ولا  تأثير موضعى وهكذا.
احنا عندنا طريقتين اساسيتين
A. Enteral
B. Parenteral
هنتكلم الاول عن A. Enteral
وده تناول الدواء عن طريق الفم و دى اكتر طريقه بتستخدم ، وبتنقسم  لطريقتين
1. Oral
ميزة الطريقه دى اننا ممكن ناخد العلاج بنفسنا بسهولة لكن عيوبها ان الدواء لما يوصل المعدة ممكن يتأثر بالوسط الحمضى والامتصاص بتاعه يقل او ممكن يحصله
first-pass metabolism) يعنى الدواء بيتكسر فالكبد قبل ميحصله انتشار فالجسم ومثال على كده النيتروجليسيرين مش بيتاخد عن طريق الفم ابدا لان 90% منه بيتكسر فالكبد قبل ميحصله انتشار فالجسم
2.Sublingeual
فى الطريقه دى بنحط الدواء تحت اللسان المنطقه دى فيها شعيرات دمويه كتير فالدواء بيحصله امتصاص سريع ومباشر للدم
مزايا الطريقه دى سهولة تناول الدواء بنفسك سرعة امتصاص وتأثير الدواء وتفادى عيوب الطريقه الاولى لان الدواء مش بينزل المعدة ومش بيحصله تكسير فالكبد
نتكلم دلوقتى بقى عن
B. Parenteral
 (intravenous or intra-arterial - intramuscular – subcutaneous )
وهنا الدواء بيدخل مباشرة لل systemic circulation
والادوية اللى بتتاخد بالطريقه دى معظمها مينفعش يتعمل غير حقن لاننا لو عملناها حبوب مثلا هتبوظ لو نزلت المعدة زى الانسولين مثلا بيبقى غير مستقر فالمعده او الهيبارين اللى مش بيمتص غير بسيط اوى فالمعدة
والطريقه دى ميزتها انها بتستخدم فى حالات الاغماء لان المريض مش هيعرف يبلع ادويه لانه مغمى عليه
مزاياها high bioavailability يعنى كمية الدواء اللى بتوصل البلازما سليمة ومن غير تكسير بتبقى عاليه جدا وطبعا سرعة تأثير الدواء ده غير انه مش بيتأثر بطبيعة المعدة ولا بيتكسر فالكبد قبل انتشاره فالجسم
عيوب الطريقه دى انها مؤلمة و ممكن تتسبب فى نقل الامراض ولو المريض اخد دواء غلط صعب تعالجه لانك مش هتقدر تخليه مثلا يرجعه او تديله تشاركول عشان يمتص الدواء ويتخلص منه.
1. Intravenous )  IV)
فى الطريقه دى لازم الrate اللى بتدى بيه يكون بطئ
2. Intramuscular )  IM)
الادوية اللى بتعطى بالطريقه دى ممكن تكون
aqueous ودى تأثيرها سريع وبينتهى برضه بعد فترة مش طويله
او
suspension in nonaqueous vehicle
زى (depot preparations) امتصاصها بطئ و تأثير الدواء بيبقى ممتد المفعول .
3.Subcutaneous ) SC)
زى الانسولين او الحاجات اللى بتتزرع تحت الجلد، و فى نوع مانع للحمل بيستخدم بالطريقه دى.
احنا كده خلصنا النوعين الاساسيين لكن فى طرق تانيه متنوعه زى
C- Others
1-intranasal
such as decongestants
2- Inhalation :- زى البخاخات بتاعة ضيق التنفس وده تأثيره سريع جدا
( used for gases drugs and drugs that can be dispersed in aerosol )=rapid action of drug used for patients with respiratory complaints
3- Intrathecal :- زى البنج النصفى
drug is introduced directly into cerebrospinal fluid
4- Transdermal:- الباتشز اللى بتتلزق على الجلد
it gives systemic effect by application of the drug to the skin
5- Topical :- ده فى حالة مثلا حرق او فطريات التهاب بسيط بنستعمل كريم او مرهم او قطرة وهكذا
such as drops , ointments, creams ,gel , and powder it is used when topical effect is required
6- Rectal :- الطريقه دى بتبقى مفيدة فى حالات الاغماء والترجيع لكن عيبها انها بتعمل irritate rectal mucosa وميزيتها انها مش بتتكسر بالانزيمات اللى فالامعاء
it's useful in case of the patient is vomiting or unconscious
it has the advantage of preventing destruction of drug by intestinal enzymes but it is often irritate rectal mucosa
7- vaginal
زى اللبوس المهبلى

1- Pharmacokinetics ( |. overview )

بسم الله الرحمن الرحيم
اولا كده ايه هى الفارما ؟؟
الفارما علم بيعرفنا ازاى الدوا بيأثر فى جسمنا عشان يعالج او يمنع مرض او اعراض معينة. عندنا تعريفين لازم نعرفهم 
pharmacokinetics & pharmacodynamics
هنتكلم الاول عن :-
1- pharmacokinetics
ممكن نعرفها على انها تأثير الجسم على الدواء
studies effects of biological systems on the drug
يعنى جسمنا بيعمل ايه فالدوا ؟؟ يعنى بعد الدوا مبيدخل جسمنا بيحصله ايه؟؟
اولا بيحصله امتصاص (absorption) ( يعنى الدوا بيوصل للبلازما ) وبعد كده انتشار(distribution) فى خلايا الجسم 
وبعدين جسمنا يكسر الدوا (metabolism ) ( غالبا بيبقى فالكبد )
وبعدين اخراج الدواء (elimination) ( الكليه لها الدور الاكبر فى العمليه دى ، بالاضافه لاعضاء اخرى )
( Absorption - Distribution - Metabolism - Elimination )
ممكن نفتكرهم بكلمة (AD ME)
الاربع عمليات دول بيحددوا طريقة تناول الدوا (rout of administration) وعدد الجرعات و كمية الدوا فى كل جرعة.