14- Adrenergic agonists part 3

النهارده ان شاء الله هنكمل مع بعض باقي ال 

adrenergic agonists

6. Oxymetazoline

Oxymetazoline [OX-ee-mee-TAZ-ih-leen] is a direct-acting synthetic adrenergic agonist 
 بيشتغل على α1- and α2-adrenergic receptors.
بنلاقي المادة دي موجودة في كتير من قطرات و اسبريهات الأنف المستخدمه في علاج احتقان الأنف

 و برضو موجودة في قطرات العين بحيث تخفف احمرار العين نتيجة الإحتقان الناتج عن السباحة أو بسبب العدسات
طيب هو بيقلل احتقان العين و الأنف ازاي ؟
بيروح يشتغل على مستقبلات الألفا الموجودة في الأوعية الدموية في الأنف و العين فتعمل انقباض في الأوعية دي و بالتالي يقل الاحتقان  

 أعراضها الجانبية 
صداع ، عصبية ، و مشاكل في النوم ، و ممكن تعمل حكة في الأغشية المخاطية
و أشهر عرض جانبي هو ال 

Rebound congestion and dependence are observed with

long-term use.
عشان كده بيقولك متستخدمش قطرات الأنف أكتر من 4 أيام
-------------------------

7. Phenylephrine

Phenylephrine [fen-ill-EF-reen] is a direct-acting, synthetic adrenergic

بيشتغل بشكل أساسي على
 α1 receptors. 
عشان كده هو بيضيق الأوعية الدموية و بالتالي هيتسبب في رفع الضغط
لكن ملوش تأثير مباشر على القلب، بس بسبب ارتفاع ضغط الدم القلب بيعمل
reflex bradycardia
يعني معدل ضربات القلب هيقل كرد فعل على زيادة الضغط 

و ده بيحصل لما نديه للمريض عن طريق الحقن .
بيستخدم في المستشفيات كعلاج للضغط المنخفض خاصة لمرضى العمليات اللي بيعانوا من معدل ضربات قلب عالي ، ليه ؟ لأن احنا لسه قايلين فوق انه بيعمل على تقليل معدل ضربات القلب 

برضو ممكن نستخدمه موضعي او عن طريق الفم لعلاج احتقان الأنف
كمان بيستخدموه قبل فحص قاع العين لأنه بيوسع حدقة العين 

ophthalmic solutions for mydriasis.

---------------------------------

8. Clonidine

Clonidine [KLOE-ni-deen] 
 بنستخدمه كعلاج للضغط المرتفع لأنه بيشتغل على 
α2 agonist .
و لأنه بيشتغل على الجهاز العصبي المركزي
 بيتم الاستعانة بيه لمرضى التعافي من الإدمان لأنه بيقلل أعراض الانسحاب 

 

أعراضه الجانبية
إرهاق ، نعاس ، امساك ،وجفاف في الفم 

مينفعش نوقفه للمريض مرة واحده لأنه هيسبب 
rebound hypertension.
ان شاء الله هنشرحه بالتفصيل في شابتر ادوية الضغط المرتفع

---------------------------

9. Albuterol and terbutaline

Albuterol [al-BYOO-ter-ole] and
terbutaline [ter-BYOO-te-leen]
بنسميهم 

short-acting β2 agonists ( SABAs)
استخدامهم الأساسي هو موسع للشعب الهوائية ، بيتم اعطاؤهم للمريض عن طريق 
أجهزة الاستنشاق أو زي مبنقول عليهم البخاخات
 metered-dose inhaler 
يتم استخدامهم في علاج الأزما التنفسية

الأعراض الجانبية 
أشهر عرض جانبي لهم  هو الرعشة 
و لو تم تناوله عن طريق الفم هيعمل زيادة في ضربات القلب ، اسمها بالانجليزي
tachycardia 
أو يعمل لغبطة في ضربات القلب ، اسمها بالانجليزي
arrhythmia 

-----------------------------

 10. Salmeterol and formoterol

Salmeterol [sal-ME-ter-ole] and 
formoterol [for-MOH-ter-ole] 
بنسميهم
 long acting β agonists (LABAs) 
that are β2 selective. 
و بالتالي هيوسعوا الشعب الهوائية
برضو الاتنين دول نستخدمهم في علاج الأزما التنفسية و بنعطيهم للمريض عن طريق

metered-dose inhalation device
و زي مقولنا تأثيرهم بيدوم لفترة طويلة قد تصل الى 12 ساعة
--------------------

11. Mirabegron

Mirabegron [mir-a-BEG-ron] 
المادة دي بقى شغالة على 
 β3 agonist 
ايه هو الأكشن بتاعها ؟ 
 relaxes the detrusor smooth muscle 
ودي عضلات موجودة في المثانة
لما يتعملها ريلاكسيشن هتتسع المثانة و تقدر تستوعب كمية أكبر من البول 
عشان كده بيستخدموها في علاج المرضى اللي بيعانوا من حالة اسمها
 overactive bladder
الحالة دي بيكون فيها المريض عنده احساس دائم بانه عاوز يتبول و بالتالي لما ياخد المادة دي هتقلل الاحساس ده 

يفضل عدم استخدام المادة دي للناس اللي بيعانوا من الضغط المرتفع الغير منضبط -
لأنها مادة بترفع الضغط .