off-label drug use
"استخدام الدواء بدون تصريح"
أو
" الاستخدام غير الشائع للدواء"
-----------------------------
أحيانًا تروح تكشف عند الطبيب ، يكتبلك روشتة ، تروح وانت بتصرف الروشتة تسأل الصيدلي، هو الدواء ده لإيه يا دكتور ؟
يرد عليك و يقولك على الاستخدام الشائع للدواء اللي مكتوب جوة النشرة أو اللي مكتوب على العلبة من برة ، اللي هو بيكون الاستخدام المصرح بيه للدواء ده .
ترد تقوله : بس أنا يا دكتور مش بشتكي من كده .
وقتها الصيدلي يبدأ يشرحلك إن في استخدامات تانية غير شائعة للأدوية ،
ممكن الطبيب يكتبلك الدواء للغرض الطبي غير الشائع ، لكن مش مصرح للمصنع إنه يسوق للاستخدام ده.
طيب إيه هي الحالات اللي ممكن نقول انها - off-label use -
- لو الدواء موصوف لحالة طبية غير اللي موجودة في نشرة الدواء
-أو لو الدواء مكتوب لطفل و هو أصلا مش مسموح بيه غير للكبار
-أو لو الدواء اتوصف بجرعة أعلى من الجرعة العادية
من أشهر الأمثلة على - off-label drug use -
- دواء ميتفورمين (الاستخدام الشائع في علاج مرض السكر من النوع الثاني )
الاستخدام الغير شائع ( في علاج تكيسات المبايض )
- دواء دومبيريدون ( الاستخدام الشائع في علاج الغثيان و القيء)
(الاستخدام غير الشائع لزيادة إفراز الحليب عند الأم )
- دواء جابابنتين (الاستخدام الشائع في علاج الصرع )
الاستخدام غير الشائع ( في علاج إلتهاب الأعصاب )
و في غيرها أمثلة كتيرة .
يبقى لو الطبيب كتبلك دواء له استخدام غير شائع متستغربش ، وعشان تتطمن، اسأله ليه ؟ ، أو ممكن تسأل الصيدلي .
- دواء ميتفورمين (الاستخدام الشائع في علاج مرض السكر من النوع الثاني )
الاستخدام الغير شائع ( في علاج تكيسات المبايض )
- دواء دومبيريدون ( الاستخدام الشائع في علاج الغثيان و القيء)
(الاستخدام غير الشائع لزيادة إفراز الحليب عند الأم )
- دواء جابابنتين (الاستخدام الشائع في علاج الصرع )
الاستخدام غير الشائع ( في علاج إلتهاب الأعصاب )
و في غيرها أمثلة كتيرة .
يبقى لو الطبيب كتبلك دواء له استخدام غير شائع متستغربش ، وعشان تتطمن، اسأله ليه ؟ ، أو ممكن تسأل الصيدلي .
ليست هناك تعليقات:
إرسال تعليق