معظم ال
adrenergic drugs
بيكونوا مشتقين من مادة ال
β-phenylethylamine
المادة دي فيها حلقة بنزين و مجمعة ايثيل أمين ، لما بنحط بدائل على حلقة البنزين أو على
ethylamine side chains
بيبدأ ينتج عندنا مركبات جديدة ، المركبات دي تأثيرها بيختلف على حسب هي هتمسك في مستقبلات البيتا و لا في مستقبلات الألفا
بنقسم ال
adrenergic drugs
لنوعين هم :
cateccholamines & Non-catecholamines
A. Catecholamines
أمثلة عليها
epinephrine, norepinephrine, isoproterenol, and dopamine
ايه خصائص المركبات دي ؟؟
1. High potency:
يعني تركيز قليل منهم يقدر يأثر بدرجة كبيرة على مستقبلات البيتا و الألفا
2. Rapid inactivation:
المجموعة دي بيحصلها ميتابوليزم أو نقول استقلاب في أكتر من مكان بأكتر من إنزيم
by COMT postsynaptically
by MAO intraneuronally
by MAO in the liver.
by COMT and MAO in the gut wall
عشان كده تأثيرها بيدوم فترة بسيطة ، بالإضافة إلى إنها مش فعالة لو تم تناولها عن طريق الفم
3. Poor penetration into the CNS:
قدرتهم على اختراق الجهاز العصبي المركزي ضعيفة جدا ، و لكن بالرغم من كده هنلاقي ان ليهم آثار جانبية لها علاقة بالجهاز العصبي المركزي زي
( القلق ، رعشة و صداع )
B. Noncatecholamines
المجموعة دي بقى فترة عمر النصف ليها طويلة لان مش بيحصلها استقلاب بواسطة
COMT & MAO
أمثلة من المجموعة دي
phenylephrine, ephedrine, and amphetamine.
كمان المجموعة دي بتقدر تخترق الجهاز العصبي المركزي لأنها بتدوب في الدهون
فهنلاقي ان لها آثار جلانبية على الجهاز العصبي المركزي ، لما ندرسها ان شاء الله
Mechanism of action of adrenergic agonists
1. Direct-acting agonists:
يعني المادة بتاعتنا بتشتغل مباشرة على مستقبلات بيتا أو ألفا
Examples of direct-acting agonists include
epinephrine, norepinephrine, isoproterenol, and phenylephrine.
2. Indirect-acting agonists:
بتساعد على زيادة
reuptake of norepinephrine
أو بتحفز إفرازه ، و بعد كده النورابينيفرين هو اللي يروح على مستقبلات البيتا أو الألفا و يدينا التأثير المطلوب
Examples of reuptake inhibitors and agents that cause norepinephrine release
cocaine and amphetamines,
3. Mixed-action agonists:
النوع ده شغال بالطريقتين اللي فوق يعني هو بيدي تأثير على مستقبلات البيتا و الألفا ، و برضو بيشتغل بالطريقة التانية ، يعني يحفز افراز النورابينيفرين
أمثلة عليها
Ephedrine and its stereoisomer, pseudoephedrine, both stimulate
هناخد دلوقت أمثلة على ال
DIRECT-ACTING ADRENERGIC AGONISTS
المواد الفعالة اللي في المجموعة دي بيتم استخدامها طبيًا بشكل واسع
أول مثال هنتكلم عليه هو الإبينيفرين
A. Epinephrine
أو ممكن نقول عليه برضو الأدرنالين
Epinephrine [ep-i-NEF-rin] is one of the four catecholamines (epinephrine, norepinephrine, dopamine, and dobutamine) commonly used in therapy.
أول تلاته من المواد دي موجودين طبيعي في الجسم و الرابع مركب اصطناعي
--------------------
لما الجسم يحتاجهم ، نخاع الغدة الكظرية يفرز 20% نورابينيفرين و 80 % ابينيفرين و يروحوا يمسكوا في المستقبلات الخاصة بيهم و يعطوا التأثير الخاص بيهم
Epinephrine interacts with both α and β receptors.
At low doses, β effects (vasodilation) on the vascular system predominate,
whereas at high doses, α effects (vasoconstriction) are the strongest.
1. Actions:
a. Cardiovascular:
التأثير الأكبر للإبينيفرين بيكون على القلب و الأوعية الدموية
طيب ايه التأثير و التغيير اللي هيعمله على القلب والأوعية الدموية ؟
أولاً بيزود قوة انقباض القلب و بنسمي التأثير ده
(positive inotrope: β1 action)
و كمان بيزود معدل ضربات القلب و في الحالة دي هنسمي التأثيرده
(positive chronotrope: β1 action).
و بالتالي بيزود معدل النتاج القلبي اللي هو عبارة عن كمية الدم اللي القلب بيضخها خلال دقيقة و بنسميه بالانجليزي
cardiac output
و ده كله بيزود احتياج عضلات القلب للأكسجين عشان يقدر يضخ الدم بسرعة و بقوة
----------------------
الإبينيفرين له تأثير على الكليتين ، بيروح يعمل تنشيط لمستقبلات البيتا على الكلية و يحفزها انها تفرز انزيم اسمه
renin
و ده عبارة عن انزيم بيدخل في العمليه اللي من خلالها بيتم انتاج ال
angiotensin II,
و دي مادة بتتسبب في تضييق الأوعية الدموية و بالتالي زيادة ضغط الدم
----------------------
الإبينيفرين برضو بيعمل تضييق للشرايين الصغيرة الموجودة في الجلد و الأغشية المخاطية نتيجة شغله على الألفا
و بيعمل توسيع للأوردة اللي موجودة في الكبد و في العضلات نتيجة شغله على البيتا
المحصلة النهائية لتأثير الإبينيفرين هتكون كالتالي
هيزود ضربات القلب
هيزود كمية الدم اللي رايحة للعضلات
هيعلي الضغط
b. Respiratory:
تأثيره على الجهاز التنفسي : بيعمل على توسيع الشعب الهوائية
c. Hyperglycemia:
الإبينيفرين بيزود معدل ال
glycogenolysis in the liver
و معناها انه بيحول الجليكوجين اللي متخزن في الكبد الي جلوكوز
برضو بيعمل علي زيادة تصنيع الجلوكاجون و بيقلل افراز الانسولين
يبقى المحصلة النهائية زيادة في مستوي السكر في الدم
d. Lipolysis:
بيزود عملية تكسير الدهون
و بسبب كل الشغل اللي بيعمله فوق ده ، كان له استخدامات طبية كتير هنقولها مع بعض دلوقت
2. Therapeutic uses:
a. Bronchospasm:
احنا قولنا انه موسع للشعب الهوائية يبقى نقدر نستعمله في حالات ضيق الشعب الهوائية خاصة في الحالات الطارئة
زي
acute asthma and anaphylactic shock,
بيتم اعطاؤه تحت الجلد و علطول بيدي التأثير الموسع للشعب
لكن لما نيجي نوصف علاج لمريض أزما تنفسية مزمن ، مينفعش ياخد ابينيفرين و يستمر عليه ، لأ ، في الحالة دي المريض هيستمر على
selective β2 agonists, such as albuterol
طيب ليه مينفعش يستمر على ابينيفرين
لأن له تأثير على القلب و احنا مش محتاجين التأثير ده بالاضافه كمان الى ان ال
β2 agonists have a longer duration of action and minimal
cardiac stimulatory effects.
---------------
الاستخدام الطبي التاني للابينيفرين
b. Anaphylactic shock:
و ده نوع من أنواع الحساسية الشديدة اللي غالبا يتحصل نتيجة دواء معين المريض عنده حساسية منه ، أو قرصة من حشرة زي النحلة ، أو حتي حساسية من أكل معين زي االبيض
.ممكن تؤدي إلى الوفاة لو ملحقناش المريض
الاختيار الأول في العلاج هنا هو الابينيفرين
-------------------------
الاستخدام الطبي التالت
c. Cardiac arrest:
في حالات السكتة القلبية
-------------------------
الاستخدام الطبي الرابع
d. Anesthetics:
في حالات التخدير الموضعي بيضيفوا تركيز قليل من الابينيفرين للمخدر و ده لأكتر من سبب
أولا لأنه بيزود مدة التخدير
وثانيا لأنه بيقلل النزف من الاوعية الدموية
وطبعا السبب انه بيعمل تضييق للأوعية الدموية
3. Pharmacokinetics:
الابينيفرين أول ميدخل الجسم بيبدأ يدي مفعول بسرعة
يفضل حقنه في العضل
في الحالات الطارئة بيتم اعطاؤه عن طريق الحقن في الوريد
ممكن أيضا اعطاءه بالطرق التالية
subcutaneously,
by endotracheal tube,
and by inhalation .
4. Adverse effects:
له تأثير على الجهاز العصبي المركزي فبالتالي هيعمل بعض الأثار الجانبية زي
anxiety, fear, tension, headache, and tremor.
- بيعمل لغبطة في ضربات القلب خاصة الناس اللي بياخدوا دواء الديجوكس
-pulmonary edema.اللي بنقول عليه استسقاء في الرئة ، يعني ماية على الرئة
- بالنسبة لمرضى الغدة الدرقية اللي عندهم زيادة في هرمون الثيروكسين ، المرضى
دول بيكون عندهم مستقبلات البيتا و الألفا كتيرة ، و بالتالي لو أخدوا ابينيفرين هيكون تأثيره عالي جدا ، فلازم نقلل جرعة الابينيفرين في المرضى دول
- زيادة في معدل ضربات القلب
- زيادة مستوى السكر في الدم ، و بالتالي لازم ناخد بالنا من مرضى السكر و نظبطلهم جرعة الدواء او الانسولين
-زيادة في ضغط الدم
ليست هناك تعليقات:
إرسال تعليق