المرة اللي فاتت اتكلمنا عن أنواع الانسولين هتلاقوا الموضوع هنــــــــــــــــــــــا
و النهارده ان شاء الله هنكمل كلامنا مع بعض عن باقي أدوية مرض السكر
V. SYNTHETIC AMYLIN ANALOG
ايه هو الأميلين ؟
الأميلين عبارة عن هرمون يتم افرازه مع الانسولين بواسطة خلايا بيتا ، بعد تناول الطعام
طيب ايه دوره؟
يروح للمعدة يأخر افراغ الطعام منها
يروح للمخ يعطي شعور بالشبع
يروح على الكبد يخليه يقلل من افراز الجلوكاجون
طيب ايه هي وظيفة الجلوكاجون ؟
يقوم بتحويل الجليكوجين الى جلوكوز
يعني هيمنع هبوط مستوى السكر في الدم
و ده عكس دور الانسولين.
نستنتج من الكلام اللي فوق ده ان الأميلين بيساعد الانسولين في أداء وظيفته ، اللي هي تظبيط نسبة السكر في الدم بعد تناول الطعام
عملوا دواء شبيه للأميلين اسمه
Pramlintide [PRAM-lin-tide]
يتم اعطاؤه مع انسولين الوجبات اللي هو
prandial insulin
المادة دي يتم اعاؤها عن طريق الحقن تحت الجلد ، قبل الوجبات ،
و مينفعش نخلطه مع الانسولين في نفس السرنجة
و ناخد بالنا ان في حالة اعطاؤه مع الانسولين ، لازم نقلل جرعة الانسلين للمريض بمقدار 50% ، عشان نتجنب حدوث هبوط حاد في السكر
hypoglycemia.
الآثار الجانبية
غثيان ، ترجيع ، فقدان الشهية
مين من المرضى مينفعش ياخد الأميلين ؟
1- مريض بيعاني من
gastroparesis
يعني تأخر افراغ المعدة
لأن الأميلين هيزودله المشكلة دي
2- مريض سكره مش مظبوط و كل شوية يحصله هبوط في مستوى سكر الدم
لأن الأميلين هيزود المشكلة أكتر
3- مريض بيعاني من حساسية من مادة الكريسول
cresol hypersensitivity
VI. INCRETIN MIMETICS
خلينا متفقين ان تناول الجلكوز عن طريق الفم بيرفع افراز الانسولين بنسبة أعلي كتير
من تنال الجلوكوز عن طريق الحقن في الوريد
حاجة غريبة!!
طيب ايه السبب ؟
السبب في كده مادة اسمها الانكريتين
Incretin hormones
و ده هرمون يتم افرازه من القناة الهضمية
بعد تناول الطعام
الانكريتين هو المسؤل عن افراز 70% من الانسولين
postprandial insulin secretion
أمثلة من المنتجات التي تشبه هرمون الانكريتين في عملها
Exenatide [EX-e-nah-tide]
liraglutide [LIR-a-GLOO-tide]
ودي منتجات على هيئة حقن تستخدم لمرضى السكر من النوع الثاني
A. Mechanism of action
The incretin mimetics
أو بنسميهم
analogs of GLP-1
أو
GLP-1 receptor agonists
بيحسنوا استجابة البنكرياس لافراز الانسولين نتيجة وجود الجلوكوز في الدم
بيأخروا إفراغ المعدة
يزودوا الاحساس بالشبع
يقللوا افراز الجلوكاجون .
فتكون المحصلة النهائية
نقلل ارتفاع سكر الدم ونقلل الزيادة المحتملة في الوزن ،و نقلل
HbA1c
B. Pharmacokinetics
يتم اعطاؤهم عن طريق الحقن تحت الجلد
Liraglutide
مفعوله يمتد لفترات طويلة ، وبالتالي يتم اعطاؤه مرة واحده يوميا بغض النظر عن الوجبات
Exenatide
مفعوله قصير لا يمتد لفترات طويلة ، لذلك يتم اعطاؤه للمريض مرتين يوميا ، في خلال ساعه قبل الفطار و العشاء
و لكن عملوا منه تركيبة ، يقدر المريض ياخدها مرة واحده اسبوعيا
once-weekly extended-release preparation
Exenatide
مينفعش اديه للمريض يعاني من قصور حاد في وظائف الكلى لأنه يتم اخراجه عن طريق الكلى
C. Adverse effects
أكثر الآثار الجانبية شيوعا للمجموعة دي هو، الترجيع، الاسهال او الامساك
الغثيان
ممكن كمان تتسبب للمريض في الاصابة بالتهاب البنكرياس
pancreatitis.
اللي من اعراضه الشهيرة ألم شديد في البطن
فلو المريض بياخد واحد من الأدوية دي وحس بألم شديد في البطن ، لازم يوقف الدواء ده فورا ، ويتواصل مع الطبيب الخاص بيه
ليست هناك تعليقات:
إرسال تعليق