.هنبدأ مع بعض النهارده فصل جديد من الكتاب ، هنتكلم فيه عن مرض السكر
البنكرياس هو المسؤل عن انتاج بعض الهرمونات زي
الإنسولين ، الجلوكاجون ،و السوماتوستاتين
insulin, glucagon, and somatostatin.
بيتم افراز الهرمونات دي من خلايا موجودة في جزء من البنكرياس اسمه جزر لانجرهانز
كل هرمون بيتم افرازه من خلية مختلفة
β cells produce insulin
α cells produce glucagon
δ cells produce somatostatin
الهرمونات دي لها دور كبير في تنظيم عمليات التمثيل الغذائي في الجسم
خاصة توازن الجلوكوز في الدم
فمثلا لو حصل نقص في هرمون الإنسولين هنلاقي ان مستوى الجلوكوز في الدم ارتفع ، زي مبيحصل في مرضى السكر
و لو لم يتم التعامل مع المرض ، هيحصل مضاعفات كتيرة جدا لمريض السكر زي :
إعتلال في شبكية العين ، إعتلال في الكلية ، إعتلال في الأعصاب ، و بعض المشاكل القلبية .
التعامل مع المرض بيكون يإعطاء المرضى انسولين أو أدوية السكر اللي بيتم تنالها عن طريق الفم ، و بالتالي مستوى السكر في الدم يكون مظبوط و بالتالي نقلل من
المضاعفات اللي ممكن تحصل للمريض .
DIABETES MELLITUS
عدد مرضى السكر على مستوى العالم في تزايد مستمر
حاليا وصل عددهم تقريبا ل 347 مليون مريض سكر
أنواع مرض السكر
فيه 4 أنواع من مرض السكر
type 1 diabetes (formerly insulin- dependent diabetes mellitus)
و فيه العلاج بيعتمد اعتماد كلي على الإنسولين
type 2 diabetes
(formerly non– insulin-dependent diabetes mellitus)
هنا مش شرط المريض ياخد انسولين ، و بنعتمد في العلاج على أدوية السكر اللي بيتم تناولها عن طريق الفم
gestational diabetes
ده اللي بنسميه سكر الحمل
diabetes due to other causes such as genetic defects or medications.
Gestational diabetes
لو سكر الحمل متعالجش ،هيؤدي إلى مشاكل كتير ، من ضمنها
الجنين يتولد و جسمه كبير ،تعسر في الولادة ، انخفاض سكر الدم للجنين
fetal macrosomia (abnormally large body)
shoulder dystocia (difficult delivery)
neonatal hypoglycemia.
العلاج بيبدأ بتظبيط نظام الأكل ، مع التمارين ، و ممكن اضافة انسولين أو أدوية السكر
زي الجليبورايد ، أو الميتفورمين
A. Type 1 diabetes
النوع الأول غالبا بيصيب الأطفال و المراهقين أو الشباب الصغير
وفي بعض الأحيان ممكن يصيب الانسان في مرحلة متأخرة من العمر
النوع ده بيكون فيه نقص هرمون الانسولين نتيجة تدمير خلايا البيتا اللي المفروض انها تنتج الانسولين
طيب ايه اللي دمر الخلايا دي ؟ اتدمرت بسبب ان الجهاز المناعي في الجسم راح هاجم الخلايا دي ، و ده ممكن يكون بسبب اصابة الجسم ببكتريا أو فيروسات
وطبعا بم ان الخلايا اللي بتنتج الانسولين مدمرة ، البنكرياس مش هيقدر يفرز الانسولين في الدم
و بالتالي هتظهر على المريض أعراض نقص الإنسولين ، اللي بتكون كالتالي :
عطش كتير و شرب ماية كتير، جوع و أكل كتير ، دخول التويلت و التبول كتير ، و فقدان في الوزن
(polydipsia, polyphagia, polyuria, and weight loss).
Treatment:
بم إن المريض معندوش انسولين طبيعي في جسمه ، العلاج هيكون اننا نعطي للمريض إنسولين من الخارج
الهدف من العلاج اننا نحافظ على مستوى سكر الدم الطبيعي بحيث نمنع ان المريض سكره يزيد أو ان سكره يقل
و من المهم جدا ان المريض يكون عنده جهاز سكر فالبيت عشان دايما
يقيس بنفسه مستوى السكر في الدم .
B. Type 2 diabetes
النوع التاني من مرض السكر بيمثل حوالي 90%من حالات مرض السكر بنوعيه
الأسباب معظمها بيكون وراثي ، أو بسبب التقدم في العمر ، أو بسبب السمنة الزايدة، أو بسبب ان مستقبلات الإنسولين معادتش بتستجيب للانسولين لما يوصلها .
1. Cause:
في النوع التاني من السكر ، البنكرياس بيفرز انسولين و لكن بيفرزه بكميات غير كافية ، و زي مقولنا كمان مستقبلات الانسولين مش بتستجيب بشكل طبيعي للانسولين، و ده بنسميه
peripheral insulin resistance
و مع الوقت ممكن كمان خلايا بيتا يقل افرازها للانسولين
المريض هنا بقى هيكون بيعاني من زيادة في الوزن عكس مريض النوع الأول
2. Treatment:
الهدف من العلاج اننا نحافظ على مستوى سكر الدم الطبيعي
و نمنع المضاعفات اللي ممكن تحصل للمريض مع الوقت
كمان هدفنا نقلل وزن المريض
نخليه يتمرن بانتظام
نظبط النظام الغذائي
و معظم المرضى بيتم اعطاؤهم أدوية خفض السكر
وزي مقولنا ان مع التقدم في المرض ، خلايا بيتا بتبدأ تقلل افراز الانسولين ، و مع .الوقت هيقل جدا لدرجة اننا هنضطر نضيف إنسولين من الخارج لعلاج المريض
دي كانت المقدمة عن مرض السكر و ان شاء الله المحاضرات الجايه هنشرح أدوية السكر و الانسولين .
ليست هناك تعليقات:
إرسال تعليق